Бешиктерин катар койбойт. Эгиздерге карата 6 "болбойт"

© AP Photo / Felipe DanaЭгиз балдар. Архив
Эгиз балдар. Архив - Sputnik Кыргызстан
Жазылуу
Кыргыз эли эгиз балдарга өзгөчө көңүл буруп башка, чоочун адамдардын көзүнөн, сөзүнөн сак-сактап, аман-эсен чоңойсун деген максатта аларга карата атайын ырым-жырым, тыюуларды колдонушкан. Алардын айрымдары азыркы убакытка чейин пайдаланылып келе жатат.

Эгиздерге карата болбой турган тыюуларды Sputnik Кыргызстан агенттигине этнопедагог Абдыкерим Муратов түшүндүрүп берди.

Кош бойлуу аял. Архив - Sputnik Кыргызстан
Кош бойлуу келинге тиешелүү 12 "болбойт"
Эгиздерди бирдей алып жүрбөйт. Эгиз ымыркайларды торолуп-чоңойгуча көпчүлүккө бирдей алып чыкпайт. Жаңы төрөлгөн наристелер элдин көзүн көтөрө албай ооруп, атургай чарчап калышы да ыктымал деп айтышат.

Бешиктери бир жерге катар коюлбайт. Үйгө конок-кара келип калган убакта эгиздердин бешиги бир катарга коюлбайт. Мындай учурда да балдарга көз тийип калышы мүмкүн деп божомолдонуп жүрөт.

Түрдүү кийим кийгизбейт. Эгиз балдарды кичине кезинде сөзсүз окшош кийинтүү керек. Мындай ырымды ата-бабалар "кырсык келсе ажырата албай калсын" деген максатта колдонушкан.

Фестиваль охотников-беркутчи Беркут - крылья Чуйской степи - Sputnik Кыргызстан
Ырыскыны таштабайт! Таңга байланыштуу 6 "болбойт"
Кийимдери баштан-аяк окшош болбойт. Эгиздердин кийими бири-бириникинен байпактары же бут кийимдери аркылуу айырмаланып турушу зарыл. Антпесе ата-энеси да адашып кетиши ыктымал.

Эгиздерге ар кандай ат коюлбайт. Түгөйү менен төрөлгөн балдардын аттары Асан-Үсөн, Апал-Үпөл сыяктуу уйкаш болушу зарыл.

Эгиздерди ажыратпайт, бөлбөйт. Эгиздерди кичине кезинде узак убакытка чейин бири-биринен ажыратып, бөлбөйт. Мындай учурда алар түгөйлөрүн сагынып, куса болуп оорушу мүмкүн. Кыздар бой жетип турмуш курганда, балдар эр жетип үйлөнгөндө гана эки башка жолго түшсө болот.

Жаңылыктар түрмөгү
0