Жалал-Абад: айыпталган киши милициянын шалаакылыгынан кайнак сууга күйүп калган

Жазылуу
Милиция кызматкерлери убактылуу кармоо жайынын эшигин ачык таштагандыктан соттолгон эки киши жабырлануучуга кол салган

БИШКЕК, 27-дек. — Sputnik. Жалал-Абад шаарында айыпталган кишиге ысык суу чачып жиберишкен. Бул тууралуу Башкы прокуратуранын маалымат кызматы билдирди.

Ага ылайык, 29-октябрда шаардык ИИБдин убактылуу кармоо жайынын кызматкерлери кечки сейилдөө маалында №5 камеранын эшигин ачык калтырышкан. Ал жакта М.М. аттуу жаран кармалып турган.

"Ага №9 камерада отурган Т.Ж. жана Н.Э аттуу соттолгондор келип, ысык суу чачып жиберишкен. Жабырлануучунун денеси күйүп калган. Ички иштер органдарынын кызматкерлери эшикти ачык таштап ички тартипти бузган", — деп айтылат маалыматта.

Сот-медициналык экспертиза М.М. аттуу жарандын жаракат алганын тастыктады.

Бычак кармаган адамдын архивдик сүрөтү - Sputnik Кыргызстан
Ошто күйүп кеткен үйдүн кожоюну киши колдуу болгону аныкталды
Шаардык прокуратура милиция кызматкерлерине карата Кылмыш жаза кодексинин 304-беренеси ("Кызмат абалынан кыянаттык менен пайдалануу") жана 316-берене ("Шалаакылык") боюнча кылмыш ишин козгогон.

Материалдар тергөө үчүн УКМКнын Жалал-Абад облустук башкармалыгына берилди.

Тергөө амалдары жүрүүдө.

Жаңылыктар түрмөгү
0