Кыргызстандын президенти Сооронбай Жээнбеков Казакстанга расмий иш сапары менен учуп келди.
Сапардын алкагында Жээнбеков Казакстандын президенти Нурсултан Назарбаев менен тар чөйрөдө жолугат. Ошондой эле мамлекет башчылары кеңири форматта сүйлөшүп, ЕАЭБдин алкагында эки тараптуу кызматташуунун актуалдуу маселелерин талкуулашат.
Жыйындын соңунда бир катар документтерге кол коюлуп, мамлекет башчылары билдирүү жасамакчы.
Сооронбай Жээнбековдун казак премьер-министри Бакытжан Сагинтаев менен да жолугушуусу пландалган.
