Мукашев: өлкөдөгү багбанчылардын башын бириктирүү демилгеленүүдө
Өлкөдөгү багбанчылардын башын бириктирүү демилгеленүүдө. Бул тууралуу Азамат Мукашев Sputnik Кыргызстан радиосуна маек куруп жатып билдирди.
Анын айтымында, бул тармакты өнүктүрүү менен экономиканы жакшыртса болот.
"Өзүңөргө белгилүү болгондой эле эгемендик алгандан бери багбанчылык тармагы да кароосуз калды. Ар ким өзү өндүрүп, өзү сатыкка алып чыгат. Биз продукцияларды Россияга алып барабыз. Ал жакта болсо конкуренция күчтүү. Андыктан кардарга кандай сорт керек? Даамы кандай болушу шарт? Ушуларды изилдеп чыккан бирөө болушу зарыл. Ушуларды эске алып багбанчылардын башын бириктирүү демилгеленүүдө", — деди Мукашев.
Ал багбанчылардын биригип, ага өкмөт көмөктөшкөндө гана башка атаандаштардан озуп чыкса болорун кошумчалады.
