БИШКЕК, 22-дек. — Sputnik. Бишкек шаарынын Свердлов райондук ИИБинин кызматкерлери 500дөн ашык кылмыш ишин козгоодон баш тарткан. Бул тууралуу шаардык милициядан билдиришти.
21 Бештин айы 2017, 20:21
Свердлов РИИБдин кызматкерлерине карата жарандардан арыздануулар келип түшкөндүктөн аларга карата жумушчу комиссия түзүлдү. Анын курамына ИИМдин борбордук аппаратынын жана Бишкек ШИИБдин кызматкерлери кирди.
Учурда комиссия РИИБ жетекчилигинин жана "Дордой" соода-комплексинин аймагында иштеген №7 шаардык милиция бөлүмүнүн кызматкерлеринин ишин иликтеп жатат.
Текшерүү учурунда милиция кызматкерлери 500дөн ашык фактыга кылмыш ишин козгоодон баш тартышканы аныкталган.
"Бул документтер баш тартылган материалдар боюнча кабыл алынган чечимдерди жокко чыгаруу жана кылмыш ишин козгоо боюнча Башкы прокуратурага жөнөтүлөт", — деп айтылат маалыматта.
Эреже бузгандардын айыбы аныкталса аларга карата дисциплинардык чаралар көрүлөт.
