Карашев: Абдыгулов өз каалоосу менен кызматын алмаштырып жаткан жок
Толкунбек Абдыгулов өз каалоосу менен кызматын алмаштырып жаткан жок. Бул тууралуу Аалы Карашев парламентте сүйлөп жатып билдирди.
Эске сала кетсек, кечээ Жогорку Кеңеш Толкунбек Абдыгуловду Улуттук банктын төрагалыгына жактырды.
"Толкунбек Сагынбековичти көп жылдан бери билем. Буга чейин чогуу иштешкенбиз. Ал "мен биринчи вице болоюн, анан Улуттук банкка барайын" деп өзү чечкен жок. Сунуш түшүп жатат, мамлекеттик кызматкер катары барууда. Бир нерсени уурдап алса сындасак болот эле", — деди Карашев.
Толкунбек Абдыгулов Улуттук банкты башкарып турганда сомдун кунун бир калыпта сактагандыгын кошумчалады.
