Момбеков: Абдыгуловго Улуттук банкты 49 жылга ижарага берелиби
Толкунбек Абдыгуловго Улуттук банкты 49 жылга ижарага берелиби? Бул тууралуу Рыскелди Момбеков парламентте сүйлөп жатып билдирди.
Эске сала кетсек, бүгүн Жогорку Кеңеш Толкунбек Абдыгуловду Улуттук банктын төрагалыгына жактырды.
"Бийликтин эрке баласы болдуңуз да. Сиз вице-премьер катары бир ишиңиз менен көрүнө алган жоксуз. Болгону баңги затка байланыштуу анекдот аралашкан сөзүңүз менен гана эсте калдыңыз. Эми кайрадан Улуттук банкка бара жатасыз. Улуттук банкты сизге 49 жылга ижарага берелиби? Көпөлөккө окшоп учуп-конуп эле жүрөсүз", — деди Момбеков.
Ал ошондой эле өкмөт кадрдык саясатын чабал жүргүзүп жатат деген оюн кошумчалады.
