Sputnik Кыргызстан маалымат агенттиги көз жоосун алган шаардын кооздугун көрө электерге атайын материал дайындады. Ал аркылуу сиз үйдө отуруп алып эле гаджетиңиздин жардамы менен шаар кыдыра аласыз. Ал үчүн жебени өйдө көздөй басып, аны 360 градуска жылдырыңыз.
Бишкек мэриясы өлкөдөгү башкы аянтты жана шаардын булуң-бурчун кооздоого жалпысынан 15 миллион 580 сом сарптады.
Ал эми "Ала-Тоо" аянтын кооздоо үчүн 2 миллион 800 миң сом бөлүнгөн. Ага жети балаты, үйдүн сөлөкөтүн элестеткен 2 декоративдик конструкция, күйүп турган кабат чырактан 12 даана, 2018 деген жазуусу бар күйүп туруучу конструкция жана фонтан сатылып алынган. Ошондой эле бак-даракты элестеткен 19 жана шардын формасын берген 10 жанып турган декоративдик кооздук орнотулган.
Бул жылы аянттагы нөлдүк чакырымдын жанына чатырчалар тигилип, Курманжан датканын эстелигинин арт жагындагы бош жер гирлянда менен кооздолду. 15-январга чейин Алай ханышасын бугу, илбирс жана шумкар кайтарып турат.
