БИШКЕК, 21-дек. — Sputnik. АКШнын Теннеси штатында жашаган аял айнек идиште 24 жыл сакталган (рекорддук көрсөткүч) уруктан боюна бүтүп, кыз төрөдү. Бул тууралуу РИА Новости CNN телеканалына таянып кабарлады.
Буга чейин, тагыраагы 2010-жылы дагы атайын айнек түтүкчөдө 20 жыл сакталган уруктан боюна бүткөн аял балалуу болгон.
Телеканалдын маалыматына караганда, Тина жана Бенжамин Гибсондордун үй-бүлөсүндө төрөлгөн ымыркайдын абалы жакшы. Ага ата-энеси Эмма деген ысымды ыйгарышкан.
Аялдын жатынына атайын процедуранын жардамы менен коюлган эмбрион 1992-жылдын 14-октябрынан бери тоңдурулуп турган.
Кыздын ата-энеси операция болоор алдында аларга дарыгер эмбриондун так жашын айтканда таң калышкан. Себеби ымыркайдын апасы Тина Гибсон өзү 1991-жылы төрөлгөн.
