Британиянын Булуэлл аймагында сейрек кездешкен жүрөк кемтиги оорусу — жүрөктүн эктопиясы (жүрөк дененин сыртында жайгашкан) менен ымыркай кыз төрөлдү. Бул тууралуу РИА Новости агенттиги The Guardian басылмасына таянуу менен билдирди.
Дарыгерлер ымыркай эненин жатынында 10 айлык кезинде аталган диагнозду коюшуп, ымыркайдын жашап кетүү мүмкүнчүлүгү өтө эле аз экенин маалымдашкан. Жүрөктүн эктопиясы менен жабыркаган ымыркайлар өлүү төрөлөт же жарык дүйнөгө келгенден кийин каза болот. Адистер ата-энеге аны алдырып салууну сунушташканы менен алар баш тартышкан.
Кудай жалгап ымыркай кыз аман-эсен төрөлгөн, ал жарык дүйнөгө келери менен 50дөн ашык дарыгер үч операция жасаган. Адистер көкүрөктөн атайын чуңкурча жасашып жүрөктү ошол жерге жайгаштырышкан. Анын жыйынтыгында ымыркай Улуу Британияда жүрөктүн эктопиясы менен төрөлүп жашап кеткен биринчи жаран болуп калды.
