Кыдыралиева: микро ГЭС курууга миң доллардай каражат кетет
Микро ГЭС курууга миң доллардай каражат кетет. Бул тууралуу Назгүл Кыдыралиева Sputnik Кыргызстан радиосуна маек куруп жатып билдирди.
Анын айтымында, микро ГЭС куруу учур талабы болуп калды.
"Бизде дарыялар, суулар көп болгондуктан микро ГЭСтерди колдонууга жакшы шарттар бар. Учурда жарандарыбыз микро ГЭСтерди колдоно башташты. Анткени үнөмдүү келет, бир куруп алып эле пайдалана бересиң. Учурда электр энергиясына, мунайга болгон баа кымбаттап жатат. Мындан улам микро ГЭСтерди куруу учурдун талабы", — деди Кыдыралиева.
Ал бир үй-бүлөгө ылайыктуу микро ГЭСти курууга миң доллардай каражат кетерин кошумчалады.
