DPS Skis Cinematic аттуу америкалык лыжа компаниясы туристтик Outdoor Research компаниясы менен биргеликте Кыргызстанда тартылган көчмөндөр тууралуу кыскаметраждуу тасмасын тартуулады. Видео Vimeo аттуу популярдуу ресурска жарыяланган.
27 Тогуздун айы 2017, 17:06
Фильмде кыргыздардын маданияты менен үрп-адаты жана тоолорго болгон лыжа саякаты чагылдырылган. Тасманын режиссеру жана редактору Бен Стургулевски болсо, продюсери Стефан Дрейк менен Жордж Кноулес экени айтылат. Тасманы нью-йорктук пианист Екатерина Михайлованын автордук "Көчмөндөрдүн ыры" аттуу композициясы коштогон.
Михайлова менен Стургулевски Sputnik Кыргызстан агенттигинин кабарчысына фильм спорттун кышкы түрүн жайылтып, лыжачыларга өлкөнүн жаратылышынын кооздугун көрсөтүү үчүн тартылганын билдиришкен.
"Видеону америкалык лыжачылар менен жергиликтүү калктын жардамы менен Караколдо тартылды. Тасма үстүбүздөгү жылдын февраль айында тартылган. Ал эми коомчулукка декабрдын башында көрсөтүлдү", — деди пианист.
Тасманын түзүүчүлөрү 7 мүнөттүк хронометражды эл аралык кинофестивалдардын бирине катыштырууну пландап жатышат.
