Шевченконун жаңы салмак категориясы боюнча каршылашы аныкталды

© Фото / Анастасия МарченкоТайбоксер из Кыргызстана Валентина Шевченко
Тайбоксер из Кыргызстана Валентина Шевченко - Sputnik Кыргызстан
Жазылуу
Ата мекендик спортчунун эң жеңил салмак категориясы боюнча беттеши келерки жылдын февраль айында болот

БИШКЕК, 13-дек. — Sputnik. UFC уюмунун чемпиондук титулунун экс-талапкери Валентина Шевченко эң жеңил салмак боюнча биринчи беттешин бразилиялык Присцила Кечоейра менен өткөрөт.

Бул беттеш тууралуу бүгүн UFC уюму расмий жарыялады.

​Эки мушкердин беттеши келерки жылдын 3-февралында UFC Fight Night 125 турниринин алкагында Белемеде (Бразилия) өтөт.

Международный турнир по боксу в Бишкеке - Sputnik Кыргызстан
Рингде утулуп көрбөгөн Акжол Сулайманбек уулу дагы бир жеңишти камсыздады. Сүрөт
Присцила Кечоейра жергиликтүү сегиз турнирге катышып, бардыгында жеңишке жетишкен. Ал эми UFC турнирине биринчи ирет катышканы жатат. Кечоейра уюмдун октагонуна биринчи ирет 1-декабрда эле чыгышы керек болчу, бирок виза көйгөйүнөн улам Лас-Вегаска бара албай калган. Ал Лорен Мерфи менен күч сынашмак.

Шевченко буга чейин жеңил салмак категориясында (61 килограммга чейин) беттешип, үч жолу жеңип, эки жолу жеңилген. Ал чемпион Аманда Нуньеске жеңилгенден кийин эң жеңил салмакка (57 килограммга чейин) өтө турганын жарыялаган.

Жаңылыктар түрмөгү
0