БИШКЕК, 11-дек. — Sputnik. Мамлекекттик бажы кызматынын жетекчилигине Кубанычбек Кулматов дайындалганын премьер-министр Сапар Исаков журналисттер менен маектешүү учурунда билдирди.
Анын айтымында, тийиштүү буйрукка бүгүн кол коюлган. Дагы бир буйрук менен Бажы кызматынын төрагасы Азамат Сулайманов ээлеген кызматынан бошотулган.
"Кубанычбек Кулматов Бажы кызматынын киреше бөлүгүн көбөйтөт деп ишенем. Эртең менен президент Сооронбай Шариповичтин кабыл алуусунда болдум. Өлкө башчы да сунушту колдоду", — деди Исаков.
Кулматов буга чейин да, 2010-2013-жылдар аралыгында Бажы кызматын жетектеген.
Андан соң Орус-кыргыз өнүктүрүү фондусун башкарып, 2017-жылдын сентябрь айында Улуттук банктын төрагалыгына дайындалган.
