Исакова: бардык адам диктор боло албайт
Исакова: бардык адам диктор боло албайт
Түз эфирде элден кечирим сураган учурлар болот. Бул тууралуу ЭлТР телеканалынын Жаңылыктар бөлүмүнүн диктору Аина Исакова Sputnik Кыргызстан агенттигине маек берип жатып билдирди.
Анын айтымында, жаңылык окуган адамдын дикциясы менен келбети дал келиши керек.
"Диктор жөн гана текстти окуп койбой андагы маалыматты элге жеткизип, айтып бериши керек. Ошол эл дикторду көрүп да, угуп да түшүнүшү керек. Түз эфирде ар кандай болуп кетиши мүмкүн. Кээде сен окуп жаткан текст өчүп калат. Анан эфирде элден кечирим сураган күн болот. Жумуш оңой эмес", — деди Исакова.
