Бекешев: Ак үйдүн бардык жеринде тамеки тартылып жатат
Ак үйдүн бардык жеринде тамеки тартылып жатат. Бул тууралуу депутат Дастан Бекешев парламентте сүйлөп жатып билдирди.
Анын айтымында, коомдук жайларда тамеки тартууга тыюу салган мыйзам иштебей жатат.
"Депутаттар менен аппараттын кызматкерлери ажатканада, имараттын ичинде тамеки тартып, маданиятсыздыгын көрсөтүп жатышат. Мыйзамды өзүбүз бузуп жатсак башкалардан кантип талап кылабыз?" — деди Бекешев.
Ал кесиптештери бул көрүнүшкө кайдыгер карабашы керектигин кошумчалады.
