БИШКЕК, 1-дек. — Sputnik. Футбол боюнча дүйнөлүк чемпионатка катышкан командалардын каршылаштары аныкталды. Бул тууралуу Р-Спорт жазып чыкты.
Маалыматка ылайык, чучукулак 1-декабрда Москвадагы Кремлде өткөн. Анда дүйнө биринчилигинде ат салыша турган 32 команда сегиз топко бөлүнгөн.
А тобу Россия, Сауд Аравия, Египет, Уругвай;
В тобу Португалия, Испания, Марокко, Иран;
С тобу Франция, Австралия, Перу, Дания;
D тобу Аргентина, Исландия, Хорватия, Нигерия;
Е тобу Бразилия, Швейцария, Коста-Рика, Сербия;
F тобу Германия, Мексика, Швеция, Түштүк Корея;
G тобу Бельгия, Панама, Тунис, Англия;
H тобу Польша, Сенегал, Колумбия, Япония.
Эске сала кетсек, чемпионат 2018-жылы 14-июндан 15-июлга чейин Россиянын Москва, Калининград, Санкт-Петербург, Волгоград, Казань, Нижний Новгород, Самара, Саранск, Ростов-на-Дону, Екатеринбург жана Сочи шаарларында өтөт.
