БИШКЕК, 28-ноя. — Sputnik. Кыргызстандан Тажикстанга жылына 100 миң тонна күйүүчү май аткезчилик жол менен өтүүдө. Бул тууралуу Лейлек районунун акими Баймурат Бекмуратов билдирди.
Анын айтымында, Баткендин Лейлек районунун күйүүчү майга болгон керектөөсү жылына 25 миң тоннаны түзөт.
"Бирок аймакка жыл башынан бери 150 миң тонна күйүүчү май кирген. Анын 30 миң тоннасы мыйзам чегинде экспорттолгон болсо, калган 95миң тонна аткезчилик менен такталбаган аймактан Тажикстанга өтүшү мүмкүн", — деди Бекмуратов.
"Былтыр 10 ай ичинде 26 миллион сом салык жыйналса, быйыл 43 миллион сомду түздү. Мындан сырткары, мыйзамсыз күйүүчү май ташып жаткан 14 унаага кылмыш иши козголгон", — деди Жалилов.
Анын айтымында, күйүүчү май ташыган ири унаалар Баткен — Исфана жолу менен өтүп, жолдун сапатына да терс таасирин тийгизүүдө. Күйүүчү майга өлкө аймагында жетишсиздик байкалган учурда аткезчиликке каршы күрөшүү чараларын күчөтүү зарылчылыгы бар экени айтылды.
