Нуракун уулу: журналистикада окугандар дипломду күтпөй эле иштей бериши керек
Журналистикада окуган студенттер дипломду күтпөй эле иштей бериши керек. Бул тууралуу Жогорку Кеңештин басма сөз кызматынын жетекчиси Ибраим Нуракун уулу Sputnik Кыргызстан радиосуна маек куруп жатып билдирди.
Анын айтымында, аталган кесипти эртерээк эле тандоо туура болот.
"Журналисттик кесипти 10-класста окуп жатканда эмес, эртерээк тандоо керек. Ал эми учурда журналистика факультетинде окуп жаткан студенттер дипломдун колго тийишин күтүп отурбашы керек. Биринчи курстан тарта эле гезит, радио, маалыматтык агенттиктерде иштей бергиле", — деди Нуракун уулу.
Ал эртерээк ишти баштоо пайда гана алып келээрин кошумчалады.
