БИШКЕК, 26-ноя. — Sputnik. Киши өлтүрүүгө шектелген кыргызстандык Саибжон Абдурахмонов Ташкенттен кармалды. Бул туурасында РИА Новости Өзбекстандын ШИИБине таянып кабарлады.
Абдурахмоновду Ташкенттеги мейманканалардын биринде Россиянын жасалма паспорту менен колго түшүрүшкөн. Кыргызстанда ага киши өлтүргөндүгү үчүн эл аралык издөө салынган.
Кыргызстандык 44 жаштагы жаранды террорчулукка каршы операциянын алкагында 25-ноябрда кармашкан. Учурда ал Өзбекстан ИИМинин убактылуу кармоо жайында отурат. Маалыматта жакынкы күндөрү аны Кыргызстанга алып келишээри айтылган.
Шектелген киши жасалма паспортту Омск шаарынан алгандыгын мойнуна алган. Абдурахмонов бул документ менен КМШнын аймагын ээн-эркин аралап жүргөн.
