БИШКЕК, 24-ноя. — Sputnik. Кыргызстандык модель жана теле алып баруучу Айжамал Осмонова эл аралык Miss Asia – 2017 сулуулук конкурсунда алдыңкы алты чүрөктүн каратына кирип, уюштуруучулардан атайын титулга ээ болду. Бул тууралуу ал Sputnik Кыргызстан маалымат агенттигине билдирди.
Конкурс 15-22-ноябрь күндөрү Индиянын Кочин шаарында өтүп, 20 мамлекеттен келген сулуулар ат салышкан. Осмонованын айтымында, Кыргызстан бул конкурска биринчи жолу катышууда.
"Биз ал жакта бир жумадан ашык болдук. Бул убакытта бир катар чакан конкурстар болуп, атайын титулдун ээлери тандалды. Мага табигий сулуулук үчүн деп Miss Вeautiful Skin титулу ыйгарылды. Финалда мен алдыңкы алты сулуунун катарына кирдим", — деди Осмонова.
Эл аралык Miss Asia сулуулук конкурсу жыл сайын Индияда өткөрүлүп келет. Ага көбүнчө Азия мамлекеттери катышат. Анын бир өзгөчөлөгү — ар улуттун маданиятын сыйлап, бикини сыяктуу бир катар конкурстар болбойт.
