Иманалиев: репрессиянын 80 жылдыгын бийик деңгээлде белгилөө керек
Репрессиянын 80 жылдыгын бийик деңгээлде белгилөө керек. Бул тууралуу депутат Каныбек Иманалиев парламентте сүйлөп жатып билдирди.
Анын айтымында, уюштуруу иштерин өкмөт башчы жетектеш керек.
"Эмдиги жылы репрессияга 80 жыл болот. Бир күндө 22 миң кыргыз элитасы атылган. Ошон үчүн парламент репрессиянын 80 жылдыгын бийик деңгээлде өткөрүү үчүн токтом кабыл алалы. Анын төрагасы сөзсүз премьер-министр болушу керек. Эң негизгиси 22 миң адамдын атын тактап, эмне иш кылгандыгы тууралуу эскерүү китебин чыгарышыбыз керек", — деди Иманалиев.
Ал перпрессиялангандардын кайда көмүлгөнү белгисиз экендигин кошумчалады.
