БИШКЕК, 23-ноя. — Sputnik. Казакстандык активист Сырым Абдрахманов Астана шаарынын борбордук бөлүгүндө Кыргызстан менен болгон мамилени жакшыртууга багытталган акция өткөрдү.
Ал бардык аракеттерин Facebook баракчасынан түз алып көрсөттү.
Абдрахманов Кыргызстандын желегин жамынып алып көчөгө чыккан. Ал эми колуна "Эгер эки элдин достугун колдосоңор мени кучактагыла" деп жазып алган.
Абдрахмановдун айтымында, ал бул акцияны Казакстан саясий абалга карабай кыргыз элине жылуу мамиле кыла турганын көрсөтүүгө аракет кылган.
