БИШКЕК, 21-ноя. — Sputnik. Кыргызстандын футбол боюнча олимпиадалык курама командасы Индонезиядагы турнирге катышат. Бул тууралуу өлкөнүн Футбол федерациясы кабарлады.
Маалыматка ылайык, "Tsunami Cup-2017" аталышындагы мелдеш 29-ноябрдан 8-декабрга чейин өтөт. Ага Монголия, Бруней, Кыргызстан жана Индонезиянын командалары катышат. Оюндар 2018-жылы Индонезияда өтө турган Азия оюндарына даярдык катары өткөрүлөт.
Учурда ата мекендик футболчулардын курамы бекитилип, машыгуулары башталды.
