БИШКЕК, 21-ноя. — Sputnik. Күнүгө жеңил көнүгүүлөрдү, мисалы, идиш-аяк жууп, үй жыйнап, оокат жасап туруу узак жашоого жакшы таасирин тийгизет. Америкалык дарыгерлердин иликтөөсүн РИА Новости Journal of the American Geriatrics Society журналына таянуу менен жазып чыкты.
Изилдөө ишине 65 жаштан 99 жашка чейинки алты миң аял катышкан. Окумуштуулар алардын активдүүлүгүнө байкоо жүргүзүп, андан кийинки үч жыл бою алардын ден-соолугун текшеришкен.
Алынган жыйынтыктарга ылайык, үй жумуштарын көбүрөөк жасаган аялдардын ден-соолугу бекем болуп, узак жашоого мүмкүнчүлүгү жогорураак экени аныкталган.
Окумуштуулар жеңил физикалык көнүгүүлөргө үй жыйноо, идиш жуумай, таза абада сейилдөө да кирерин айтышкан.
