Астронавт Паоло Несполи Эл аралык космостук станциядан метеордун кулаган ирмемин видеого тартып алууга жетишкен. Ал Youtube каналына жайгаштырылды.
And here a closer look! Make a wish… I already did 😉 // E qui visto da più vicino! Esprimete un desiderio… Io l'ho già fatto 😉 #VITAmission pic.twitter.com/H0q5f8hUG9
— Paolo Nespoli (@astro_paolo) 16 ноября 2017 г.
Видеонун 7 жана 8-секундасынын ортосунан космостук объект Жердин атмосферасынан өткөнүн байкоого болот.
"Биз станциядан көп эле метеор көргөнбүз, бирок бир да жолу тартып алууга үлгүргөн эмеспиз. Менин жолум болду. Өтө жарык жана катуу учкан метеор Жерге секундасына 40 чакырым ылдамдыкта кулады. Сиздер да көрдүңүздөрбү?" — деп жазган астронавт Twitter баракчасына.
We see many meteors from the @Space_Station but I was never able to get one on camera… this time I got lucky and filmed a #fireball, a very bright and fast meteoroid falling to #Earth at about 40km/s! Can you spot it? #VITAmission https://t.co/gbMuhPqbL8 pic.twitter.com/YyZtUc22Oj
— Paolo Nespoli (@astro_paolo) 16 ноября 2017 г.
Европа космос агенттигинин баасы боюнча метеор чынында эле катуу учкан, адатта алардын алдымдыгы секундасына 20 чакырымды түзөт.
Буга чейин АКШнын Финикс шаарындагы видеобайкоо камерасына метеордун кулаганы түшүп калган. Анда космостук объект бир ирмемге айланасын жарыкка бөлөп өчкөнүн көрүүгө болот.
