Бишкекке жаңы курулган заводдо ЕАЭБдин талаптарына жооп берген колбаса чыгарыла баштады. Бул тууралуу ишкер Самат Бакчиев Sputnik Кыргызстан радиосуна маек куруп жатып билдирди.
Бакчиев: заводубуздан ЕАЭБ талаптарына жооп берген колбаса чыгарыла баштады
Анын айтымында, колбаса жасоо үчүн кара малдын эти атайын Кочкордон алып келинет.
"Долбоор жазып, Кыргыз-орус өнүктүрүү фондусунан акча алдык. Анан үстүнө акча кошуп, өткөн жылы завод салып баштаганбыз. Курулуш иштери быйыл сентябрь айында аяктап, октябрда расмий түрдө ачылдык. Учурда сапаты жакшы колбасаларды чыгарып жатабыз", — деди Бакчиев.
Ал аталган продукция жакынкы күндөрү кошуна өлкөлөргө экспорттолорун кошумчалады.
