БИШКЕК, 14-ноя. — Sputnik. Төшөк кумарына батуу жүрөктүн токтоп калуусуна алып келбейт. Бул тууралуу окумуштуулар Анахаймада өтүп жаткан америкалык кардиологдор коомунун конференциясында билдиришкенин РИА Новости жазып чыкты.
"Жүрөк кармап калган кезде адамдар көбүнчө каза болот. Бирок мындай учур төшөк кумарына батып жаткан мезгилде өтө сейрек катталат. Бул илдет менен жабыркаган адамдар жыныстык катнашка баргандан кооптонбой деле койсо болот, анткени ал өлүмдүн башкы себеби эмес ", — деди Лос-Анжелестеги жүрөк изилдөө институтунун окумуштуусу Самит Чу.
Мындан улам окумуштуулар атайын изилдөө жасап, беш жылга чейин миллиондогон адамга байкоо жүргүзүшкөн. Бул аралыкта 4,5 миң адам кокустан жүрөгү кармап каза болгон. Бирок анын көбү төшөк кумарына баткан учурда эмес, башка себептерден улам көз жумган.
