БИШКЕК, 14-ноя. — Sputnik. Алматы шаарынын бир көчөсүнө кыргыздын залкар жазуучусу Чыңгыз Айтматовдун ысымы ыйгарыла турганын Sputnik Казакстан агенттиги жазып чыкты.
Маалыматка ылайык, Алматы акимиатынын ономастикалык комиссиясынын чечими менен 100 көчөнүн атын алмаштыруу каралган.
"Айрым көчөлөргө Талгат Бигелдинов, Сагадат Нурмагамбетов, Кененсары хан сыяктуу атагы чыккан баатырлар менен аскер башчыларынын, айрымдарына Герольд Бельгер менен Чыңгыз Айтматов сындуу жазуучулардын аты берилет", — деп айтылат макалада.
Чыңгыз Айтматов атындагы көчө Алматы маслихатынын токтомунда "Шыңғыс Айтматов" деп аталган.
