БИШКЕК, 12-ноя. — Sputnik. Алимент төлөбөй жүргөндөрдүн аты-жөнүн интернетке жарыялоо сунушталып жатат. Бул мыйзамдын долбоору коомдук талкууга коюлду.
Ага ылайык, Сот департаментинин расмий сайтына мурдагы үй-бүлөсүнө карыз болгон адамдардын аты-жөнү, төлөбөй жүргөн акчанын суммасы жана сүрөтү жарыяланмакчы.
Ошондой эле карыз болгон адамды аң улоого чыгуу, транспорт башкаруу сыяктуу айрым укуктарынан убактылуу ажыратуу сунушталууда.
Аталган мыйзам долбоордун демилгечиси Максат Сабировдун айтымында, бул документ үй-бүлөнү коргоо жана алименттик милдеттерди жөнгө салууга багытталган.
