БИШКЕК, 8-ноя. — Sputnik. Виргиния штатында велосипедчен аял АКШнын президенти Дональд Трамптын кортежине ортон манжасын көрсөткөндүгү үчүн иштен айдалды. Бул туурасында РИА Новости RT телеканалына шилтеме кылып жазды.
Ак үйдүн сүрөтчүсү тартипсиз аялды тартып алууга үлгүргөн. Маалыматта окуя Трамп кортежи менен өзүнүн гольф-клубунан кайтып келе жатканда болгону айтылат.
Кортеж дагы эки жөө кишинин нааразылыгын жараткан. Алар автоунаалар өтүп бара жатканда баш бармагын ылдый каратып, карап турушкан.
50 жаштагы Жули Бриксмэн иштеген компаниянын жетекчилиги ага компаниянын эрежесин бузду деген кине коюуда. Twitter жана Facebook тармактарына Америка президентине карата орой сүрөттөрдү койбошуң керек деп айтышкан.
Мындан сырткары, маалыматта Бриксмэн иштеген компания мамлекеттик буюртмаларды аткарып келгендиктен, аялдын бул кадамы ишкананын бизнесине кедергисин тийгизиши мүмкүн эле деп айтылган.
