Трамптын кортежине ортон манжасын көрсөткөн аялды иштен айдап жиберишти

© AFP 2023 / BRENDAN SMIALOWSKIКортеж президента США Дональда Трампа в Стерлинге
Кортеж президента США Дональда Трампа в Стерлинге - Sputnik Кыргызстан
Жазылуу
50 жаштагы Жули Бриксмэн иштеген компаниянын жетекчилиги ага ишкананын эрежесин бузду деген кине койгон

БИШКЕК, 8-ноя. — Sputnik. Виргиния штатында велосипедчен аял АКШнын президенти Дональд Трамптын кортежине ортон манжасын көрсөткөндүгү үчүн иштен айдалды. Бул туурасында РИА Новости RT телеканалына шилтеме кылып жазды.

Ак үйдүн сүрөтчүсү тартипсиз аялды тартып алууга үлгүргөн. Маалыматта окуя Трамп кортежи менен өзүнүн гольф-клубунан кайтып келе жатканда болгону айтылат.

Кортеж дагы эки жөө кишинин нааразылыгын жараткан. Алар автоунаалар өтүп бара жатканда баш бармагын ылдый каратып, карап турушкан.

АКШ президенти Дональд Трамптын архивдик сүрөтү - Sputnik Кыргызстан
АКШ президенти Нью-Йоркто теракт жасаган кишини өлүм жазасына тартууну сунуштады
Ал эми социалдык тармакта велосипедчен аялдын кылыгын "эрдик" катары баалашты.

50 жаштагы Жули Бриксмэн иштеген компаниянын жетекчилиги ага компаниянын эрежесин бузду деген кине коюуда. Twitter жана Facebook тармактарына Америка президентине карата орой сүрөттөрдү койбошуң керек деп айтышкан.

Мындан сырткары, маалыматта Бриксмэн иштеген компания мамлекеттик буюртмаларды аткарып келгендиктен, аялдын бул кадамы ишкананын бизнесине кедергисин тийгизиши мүмкүн эле деп айтылган.

Жаңылыктар түрмөгү
0