БИШКЕК, 7-ноя. — Sputnik. Рак клеткаларын астероиддин металлы менен таап, жок кылса болот. Бул туурасында РИА Новости EurekAlert порталынын маалыматына шилтеме берип кабарлады.
Окумуштуулар метероиттин тегине кирген иридийди колдонуу элементи онкологиялык илдеттер менен күрөшө турган натыйжалу ыкма деп табылган.
Эксперимент рак клеткаларына аталган металлды киргизгенде аны жок кылат, ал эми соо ткандарга зыянын тийгизбей турганын көрсөткөн.
"Иридий менен органикалык заттардын кошулмасы залалдуу шишиктин бардык катмарына кирип, аны аны өлтүрдү. Бул аталган дарылоо ыкмасынын канчалык натыйжалуу экендигинен кабар берет", — деп жазышкан окумуштуулар.
Жабыркаган органга аталган дарыларды киргизүү атайын медициналык лазердин жардамы менен жасалат.
"Иридий Жерге астероид менен мындан 66 миллион жыл мурда учуп келген, эми аны медициналык максатта пайдаланууга мезгил келип жетти", — деген Уорика университетинин профессору Питер Сэдлер.
Окумуштуулар ушу тапта келерки клиникалык сыноолорду чыдамсыздык менен күтүп жатышат.
