Оштогу жол кырсыгынан жабыркап, Тажикстандын жарандары ооруканага түштү
Оштогу жол кырсыгынан жабыркап, Тажикстандын жарандары ооруканага түштү
Sputnik Кыргызстан
Ош шаарынан Өзгөндү көздөй келе жаткан айдоочу мас болгондуктан рулду башкара албай, жол тилкесинен чыгып кетип, маңдайында келе жаткан автокөлүктү сүзгөн 07.11.2017, Sputnik Кыргызстан
Ош шаарынан Өзгөндү көздөй келе жаткан айдоочу мас болгондуктан рулду башкара албай, жол тилкесинен чыгып кетип, маңдайында келе жаткан автокөлүктү сүзгөн
ОШ, 7-ноя. — Sputnik. Кара-Суу районундагы Отуз-Адыр айыл өкмөтүнүн Ынтымак айылында эки унаа кагышып, кырсыктын кесепетинен Тажикстандын төрт жараны ооруканага түштү. Бул тууралуу облустук Кайгуул милициясынын маалымат катчысы Айбек Бечелов Sputnik Кыргызстан агенттигине билдирди.
"Nissan ALMERA унаасынын айдоочусу Ош шаарынан Өзгөндү көздөй келе жаткан. Айдоочу мас болгондуктан рулду башкара албай, жол тилкесинен чыгып кетип, маңдайында келе жаткан Mersedes-Benz — 412 унаасын сол капталынан аңтара сүзгөн. Кырсыктын кесепетинен Mersedes унаасынын төрт жүргүнчүсү алган жараатынан улам, Ош облустук ооруканасына жеткирилген. Алар Тажикстандын жарандары болгон", — деди Бечелов.
Учурда бул фактынын негизинде териштирүү иштери жүрүп жатат.
