БИШКЕК, 6-ноя. — Sputnik. Таш-Көмүр шаарында болгон жол кырсыгында каза тапкандардын саны онго жетти. Бул тууралуу ӨКМдин маалымат кызматы кабарлады.
Билдирүүгө ылайык, кырсык 6-ноябрда саат 00:05 чамасында Бишкек — Ош унаа жолунун 457-чакырымында болгон. Анда Honda Stepwgn жеңил унаасы менен MAN газ ташуучу автоунаасы бетме-бет сүзүшкөн. Окуя болгон жерде сегиз адам каза болуп, экөө ооруканага жеткирилген. Алар дагы алган жаракатынан улам көз жумган.
Каза болгондордун тизмеси:
1. Камалдин Кадыржанов, 23 жашта, Ош облусунун Өзгөн районунун тургуну
2. Фахриддин Абдувалиев, 29 жашта, Ош облусунун Өзгөн районунун тургуну
3. Хуснидди Абдувалиев, 28 жашта, Ош облусунун Өзгөн районунун тургуну
4. Кадыржан Навижанов, 23 жашта, Ош облусунун Өзгөн районунун тургуну
5. Куштарбек Шабданов, 40 жашта, Жалал-Абад обусундагы Аксы районунун Аксы айылынын тургуну
6. Барнохан Аширова, 23 жашта, Ош облусунун Өзгөн районундагы Өзгөн айылынын тургуну
7. Акмольжан Разакулов, 28 жашта, Ош облусунун Өзгөн шаарынын тургуну
8. Расулжан кызы Наврузхан, 22 жашта
9. Кадыржан Мамаджанов, 23 жашта
10. Бир жарандын аты-жөнү такталууда
