БИШКЕК, 2-ноя. — Sputnik. Күздүн күнү болгон адаттан тыш жылуу аба ырайынан кийин Кыргызстандын аймагында 3-ноябрда күндүз жана 4-5-ноябрда аба ырайы кескин өзгөрүлөт. Бул тууралуу Кыргызгидромет билдирди.
Ага ылайык, 3-ноябрда күндүз кээ бир райондордо, 4-5-ноябрда көпчүлүк аймактарда жаан жаап, тоолорго кар түшөт.
4-5-ноябрда абанын температурасы бир катар аймактарда төмөндөйт. Чүй, Талас өрөөндөрүндө түнкүсүн 1…6 градус, күндүз 8…13 градус жылуу, Ош, Жалал-Абад, Баткен облустарында түнкүсүн 2…7 градус, күндүз 14…19 градуска чейин жылуу болот. Ысык-Көл ойдуңунда жана тоо этектеринде түнкүсүн 0…5 градус, күндүз 7…12 градус жылуу, Нарын облусунун дыйканчылык аймактарында жана тоолуу райондордо түнкүсүн —3…-8 градус суук, күндүз 6…11 градус жылуу болот. Ал эми бийик тоолуу аймактарда түндө —9…-14 градус, күндүз 0…-5 градуска чейин суук болот.
Мындай туруксуз аба ырайы айыл чарба иштерин, автоунаа, энергетика, коммуналдык кызматтардын ишин жана жайыттарда малды кармоону кыйындатат.
