БИШКЕК, 25-окт. — Sputnik. Казакстан менен Өзбекстандын чек арасында автоунаалардын тыгыны жаралганын Инвестиция жана өнүктүрүү министрлигинин расмий өкүлү Мурат Жуманбайга таянып Sputnik Казакстан агенттиги жазып чыкты.
Жуманбайдын айтымында, тыгынга Өзбекстанды көздөй каттаган унаалардын көптүгү себеп.
"Учурда "Б.Конысбаев" өткөрүү пунктунда Казакстандын 155тей унаасы турат. Буга Өзбекстанга барчу унаалардын көптүгү себеп болууда", — деди министрликтин өкүлү.
"Быйыл үчүнчү өлкөгө кирүү жана чыгууга уруксат берчү бланкалар менен алмашуу жүргөн. 1200дөн 1187сине уруксат берилген, анын болгону 498и пайдаланылган", — деди Жуманбай.
Министрликтин өкүлү Казакстандан Өзбекстанга ташылган товардын көлөмү былтыркыга салыштырмалуу 11 пайызга көбөйгөнүн белгилеп өттү.
Бул Казакстандын чек арадагы алгачкы көйгөйү эмес. Ушу тапта кыргыз-казак чек арасындагы маселе да чечилбей турат.
