БИШКЕК, 25-окт. — Sputnik. Борбор калаадагы бир топ аймактарда эртең, 26-октябрда ичүүчү суу убактылуу болбойт. Бул туурасында "Бишкек суу канал" ишканасынан билдиришти.
"Түндүк" суу кампасындагы оңдоо иштерине байланыштуу Күрөңкөев, Абдрахманов, Элебесов, Саадаев, Жаш Гвардия, Урицк көчөлөрү менен Ала-Арча аймагына суу берилбейт.
Андан сырткары, төмөнкү аймактар менен объектилерде суу берүү чектелет.
- "Красный строитель";
- "Көлмө";
- "Ак-Тилек";
- "Алтын-Бешик";
- "Саламалик" конуштарында;
- №№18, 33, 35 мектептерде, №12 бала бакчада;
- Пакистан элчилигинде;
- Автобекеттер менен автостанциялардын Чүй бирикмесинде;
- Краснодончулар, 24 көчөсүндөгү Улуттук Гвардиянын штабында;
- "Электросила" ишканасында;
- Кургак учукка каршы шаардык ооруканада;
- 41069 аскердик бөлүгүнүн аскер комиссариатында;
- КРдин Илимдер академиясынын биотехнология институтунда;
- "Химиялык завод" жеке ишканасында;
- "Бишкек суу каналдын" атайын автобазасында;
- Фере көчөсүндөгү "Бишкектурбазасы" туркомплексинде болбойт.
"Бишкек суу канал" башкармалыгы элди сууну алдын ала камдап алууну эскертет.
Суу бул күнү 9.00дөн 20.00гө чейин болбойт.
