БИШКЕК, 24-окт. — Sputnik. Кыргызстандын Россиядагы элчилиги 28 жаштагы КР жараны иш учурунда каза болгонун тастыктады.
Буга чейин бир катар ЖМКлар Кыргызстандын жараны макулатураны кайра иштетүү учурунда баскычтын алдында калып каза болгонун жазышкан. Маркум макулатураны орой турчу зымга илинип калып, тартылып кеткен. Баскыч бир учурда 500 килограмм сырьену кайра иштеткенге жөндөмдүү.
Москванын мамлекеттик эмгек инспекциясы ишкананын документтерин текшерип баштады. Ишти кароого мекеменин башкы директору да чакырылган.
