Абдибахитов: кээде жакшы сый көрсөк, кээде көчөдө калабыз
Айлык акынын аздыгынан жаштардын көбү театрдан кетип калууда. Бул тууралуу актер Адыл Абдибахитов Sputnik Кыргызстан радиосуна маек берип жатып билдирди.
"Союз учурунда өкмөт тарабынан транспортко, жаңы спектаклдерди даярдоого атайын каражат бөлүнөөр эле. Азыр болсо театрга көңүл жылытаарлык жардамдар берилбей калды. Чогулган каражаттарды театрдын эсебине түшүрүп, кайра ошол акчаны жаңы спектаклдеге жумшайбыз. Атайын унаабыз дагы жок. Гостролго чыкканда шаардык каттамдагы бустардын бирин жалдайбыз", — деди Абдибахитов.
Ошондой эле ал 36 жылдык тажрыйба менен 5500 сом айлык аларын жана ал тууралуу досторуна айтуудан уяларын кошумчалады.
