Кайыпов: бул ирет "Эл ырчысы Эстебес" тобу элди күлдүрөт
Бул ирет "Эл ырчысы Эстебес" тобу элди күлдүрөт. Бул тууралуу аталган топтун ырчысы Өмүрзак Кайыпов Sputnik Кыргызстан агенттигине билдирди.
Анын айтымында, "К… калп айтпайт, каңырыш угат. Эркектерчи…?" аталышындагы концерт 1-2-ноябрь күндөрү Улуттук филармонияда өтөт.
"Буга чейин концерттерибизде элдерди ойго салып, ыйлатчубуз. Дастандар, уламыштар тууралуу айтчубуз. Бул ирет күлкү тартуулайлы деп чечтик. Жөн гана күлдүрүү эмес, маңыздуу, маанилүү кептер айтылат. Концертке келген эл жакшы эс алып кетет деген ойдобуз. Анткени концерт үчүн атайын жаңы чыгармалар жазылды", — деди Кайыпов.
Ырчы учурда даярдык абдан катуу жүрүп жаткандыгын кошумчалады.
