Дыйкандар Кант шаарында кызылча кабыл алган ишканага кирүү үчүн 9-10 саатка чейин кезекте туруп жатышат. Бул тууралуу Sputnik Кыргызстан маалымат агенттигине жер иштеткен Марат Мамыров билдирди.
Анын айтымында, түшүмдү өткөрүү үчүн эртең менен келген дыйкандар түнгө чейин калып жатат.
"Мен Алга айылынан 11де келгем, он сааттан ашып калды турганыма. Техника бузулуп жатат, антпесе бат эле төгүп кетсек болот. Себеби күнүнө 2-3 жолу келип түшүм тапшырып кетчүбүз. Эки жумадан бери ушундай кезек болуп жатат", — деди Мамыров.
"Азыр кант кызылчасы казылып жаткан мезгил. Биз күнүнө 2000 тоннадай түшүм кабыл алып жатабыз. Кезек ушундан улам узарып жатат. Бирок колдон келишинче ишти тездедип, чийки затты поезд менен заводго жеткирүүдөбүз", — деди Барбалат.
Быйыл кант кызылчасынын бир тоннасы 3400-3500 сомдун айланасында болууда.
