Кавказдыктардан үлгү алып, орусча акцент менен сүйлөгөндөн тартынбоо керек. Бул тууралуу "Ыйман" фондусунун жетекчиси Нуржигит Кадырбеков Sputnik Кыргызстан радиосуна маек куруп жатып билдирди.
Анын айтымында, шаарга жаңы келген жаштар эч нерседен тартынбай, коомго аралаша бериши керек.
"Адам өзү табиятынан кандай болсо ошол боюнча калганы жакшы. Шаарга жаңы келгенде орусча сүйлөсөң шаардыктар шылдыңдап коет. Ошондо адамда комплекс пайда болот. Кавказдыктардан үлгү алалы. Алар орусчаны акцент менен туура эмес сүйлөшөт. Бирок алар ошонусу менен уникалдуу. Андыктан шаарга келген жаштарыбыз эч нерседен тартынбай, коомго аралаша бергени дурус", — деди Кадырбеков.
Ал оомат оошуп, ырыс жугушарын, андыктан жаштар чөйрөсүн оңдошу керектигин кошумчалады.
