БИШКЕК, 15-окт. — Sputnik. Шайлоого байланыштуу ички иштер органдарына жалпысынан 28 иш келип түшкөнүн ички иштер министринин орун басары Алмаз Орозалиев шайлоо боюнча республикалык штабдын атайын жыйынында билдирди.
Анын айтымында, добуштарды сатып алуу боюнча 13, денеге залал келтирүү жаатында 4, бюллетендерди сыртка алып чыгуу тууралуу 1, бюллетенди айрууга аракет кылуу боюнча 1 факты катталган.
Улуттук энергохолдинг компаниясынын директору Айбек Калиев болсо шайлоо учурунда жалпысынан 10 жолу өчүрүү болгонун айтып, алардын бирөө атайылап жасалганын билдирди. Бул факты боюнча тийиштүү органдарга арыз менен кайрылуу болгонун кошумчалады.
Ал ошондой эле бир участокто жумушчунун шалаакылыганын электр энергиясы өчкөнүн билдирди. Андан башка бардык шайлоо участкаларында электр энергиясы өчүрүлгөн эмес.
Бул күнү 4,5 миңден ашык энергетиктер күчөтүлгөн режимде иштешкен.
