БИШКЕК, 15-окт. — Sputnik. Шайлоонун жыйынтыгынан кийин кандай гана кырдаал болбосун, ага даяр экенин Sputnik Кыргызстан агенттигинин кабарчысына кошуундун лидери Тариэл Искаков айтты.
Анын айтымында, 2010-жылы түзүлгөн штаб үчүн апрель окуяларынан кийин кооптуу кырдаалдар түзүлгөн эмес.
"Бул жолу айрым талапкерлер кара пиар жана добушту сатып алуу менен алектенгендиктен, кырдаал курчуп кетүү коркунучу бар. Ар кандай башаламандык, хаос жана мародерлукту алдын алуу үчүн карапайым жарандардан турган кошуун түзгөнбүз. Эртең менентен баштап кечке чейин шайлоо участокторуна көз салып турдук. Азырынча бардыгы тынч", — деди ал.
"Бир нерсе болуп кетсе, келүүгө даяр бир нече күзөт агенттиктери бар. Бирок шаардыктардын бактысына, бардыгы тынч. Региондордо 12 тартип бузуу болду, бирок алар оңунан чечилди", — деди ал.
Ошондой эле ал региондор боюнча кошуундун 20 миң өкүлү, Бишкек боюнча беш миң адам иштеп жүргөнүн кошумчалады.
Электрондук урналардан жаңыланып турган маалыматтарды Sputnik Кыргызстандын интерактивдүү инфографикасынан көрүңүз>>
