БИШКЕК, 15-окт. — Sputnik. Чоң-Алайдын Жекенди айыл аймагында жер титирөөдөн жабыр тарткан үй-бүлөлөргө акысыз көмүр таратылды. Бул тууралуу өкмөттүн Ош облусундагы өкүлчүлүгүнүн маалымат кызматы кабарлады.
Билдирмеге караганда, акысыз көмүр жер титирөөдөн жабыркаган жана жардамга муктаж 100 үй-бүлөгө эки тоннадан таратылган. Жардам пермьер-министр Сапар Исаковдун Чоң-Алайга болгон иш сапарынын алкагында жергиликтүү бийликке берген тапшырмасынын негизинде жеткирилген.
Эскерте кетсек, май айында Чоң-Алайда улам кайталанган жер титирөөнүн кесепетинен 618 турак жай жарактан чыгып, айрымдары чатырларга көчүрүлгөн.
