БИШКЕК, 14-окт. — Sputnik. Президент Алмазбек Атамбаев Улуттук онкология жана гематология борборунун жаңы корпусунун пайдубалынын түптөлүшүнө катышты.
Өлкө башчы быйыл 1-июнда онкологиялык борбордун 150 орунга ылайыкталган жаңы имаратын куруу боюнча чечим кабыл алган. Анын 100ү балдар үчүн каралса, 50сү чоң кишилерге бөлүнгөн.
14 Тогуздун айы 2017, 12:23
Имаратты 2018-жылдын аягына чейин бүткөрүү пландалган. Атамбаев мамлекеттик архитектура агенттигинин башчысына курулушту анын туулган күнүнө карата бүткөрүү керектигин тапшырды.
Андан сырткары, Улуттук онкология борборунун негизги имараты 30-июндан тарта оңдоло баштаган. Ал үчүн бюджеттен 150 миллион сом жана президенттик социалдык коргоо жана колдоо фондунан 70 миллион которулган.
Гуманитардык жардам катары нур терапиясын өткөрүү үчүн Индия Bhabhatron II гамма-терапевтикалык аппараты берилген. Аталган аппарат жакын арада Кыргызстанга алып келинет.
