БИШКЕК, 12-окт. — Sputnik. Көлөмү да чоң, булчуңдары да буржуйган кенгуру бир заматта интернетте жылдызга айланганын The Daily Mail басылмасы жазып чыкты.
Roo lookin' at me? Huge 16st ‘bodybuilder’ kangaroo flexes bulging biceps at stunned gardener https://t.co/SW3dzVaqYE pic.twitter.com/yYwyrZoAe3
— Daily Mirror (@DailyMirror) 12 октября 2017 г.
"Бодибилдер" кенгуруну фотограф Жексон Кингсли Винсет Австралиянын батыш тарабындагы Маргарет дарыясына түшүп жаткан жеринен тартып алган.
"Көлөмү да, булчуңдары да буржуйган кенгуруну итим менен суу бойлой сейилдеп жүргөндө көрүп калдым. Ал сууга киринип жатыптыр. Аны көргөндө жүрөгүм болк эте түштү", — деп Винсент Facebook баракчасына жазган.
Сүрөттү көргөндөр буга чейин мынчалык чоң кенгуруну көрбөгөнүн айтышып, ал кол салып жиберчүдөй абалда турганын жазышкан. Ал эми айрымдары кенгуру коркконунан сууга кире качкан болушу мүмкүн деген божомолдорун айтышты.
Аталган сүрөттү биринчи күнү эле 2,4 миң киши жактырып, 6,5 миң жолу бөлүшүшкөн.
