БИШКЕК, 7-окт. — Sputnik. Кыргызстандын вице-премьери Темир Жумакадыров жана анын жардамчысы Нурлан Жамгырчиев менен айдоочусу Нурбек Мукановдун өмүрүн алган жол кырсык беш баланы жетим калтырганын Sputnik Кыргызстан агенттигинин кабарчысына өкмөттөн билдиришти.
Бүгүн, 7-октябрь күнү саат 7.30дар чамасында Москва районунун Садовое айылында болгон авто кырсыктан вице-премьер Темир Жумакадыров жана анын жардамчысы менен айдоочусу көз жумган.
- Темир Жумакадыров 38 жашта эле, артында үч кызы калды;
- Вице-премьердин жардамчысы Нурлан Жамгырчиев 30 жашта болгон, артында бир уулу калды;
- 32 жаштагы айдоочу Нурбек Муканов уулун тарбиялап жаткан.
Темир Жумакадыров жана анын жардамчысы менен айдоочусу каза болгон жол кырсыгы тууралуу акыркы маалыматтарды Sputnik Кыргызстан агенттигинин тексттик трансляциясынан окуңуздар>>
