Буга чейин Финпол ШИИБдин коомдук коопсуздук кызматынын лицензия жана уруксат берүү бөлүмүнүн ага инпектору козголгон кылмыш иштин негизинде кармалганын маалымдаган.
Тасмада кабинетте отурган эркек кишилер акча тууралуу сүйлөшүп жатканын көрүүгө болот. Бирөө экинчисине "эртең 100 доллар алып келип берерин" айтууда. Андан ары камерага алып келинген акча саналып жатканы, милиция кызматкеринин Руслан аттуу киши менен сүйлөшүп жатканда атайын даярдыктагы ыкчам бөлүктүн жоокерлери кирип келгенин көрүүгө болот.
Финполдон кармалган милиционер курал алууга мыйзамсыз уруксат кагазын берүү үчүн пара алган деп шектелип жатканын такташты.
"Буга чейин милиция кызматкери 100 доллар жана 1000 сом алган", — дешти мекемеден.
Учурда ушул сыяктуу көрүнүштөр аныкталып жатат.
