БИШКЕК, 31-авг. — Sputnik. Ички иштер министрлигинин Ички иликтөө кызматы Алайда пара алып жаткан укук коргоо органдарынын кызматкелерин колго түшүрдү. Бул тууралуу аталган министрликтин маалымат кызматынан билдиришти.
Ага ылайык, айыл тургуну Алай районунун Жаза аткаруу кызматынын капитаны жана Сопу-Коргон айылдык милиция бөлүмүнүн башчысы жазадан бошотуу чечимин чыгарып берүү үчүн андан 30 миң сом талап кылганын айтып, милицияга кайрылган. Укук коргоо органдарынын кызматкерлери Жаза аткаруу кызматынын инспекторунун иш бөлмөсүнөн кармалган.
Учурда бул факты боюнча Кылмыш жаза кодексинин 313-беренеси (пара талап кылуу) боюнча кылмыш иши козголду.
